تبادل
لینک هوشمند
دندال
بهونا كنده آبيده به دندال
زاي داغي كه وسته ور من مال
تمام ايل آبيده سياپوش
نيا بنگ علاءالدين ور من گوش
ايگون رهده علاءالدين كوگ تاراز
ايگون بالنده بيد و كرد پرواز
گل باوينه ايگون زرد آبيد
دل ايلي سي هو پر درد آبيد
ز پاكي او دلي چي آسمون داشت
او چي گل بيد و ازافتو نشون داشت
دلس ايخواست وا تيغشت افتو
بلند آبو زنه تش ورهمه شو
كسي نيگو هياري كن كن مال
كسي نيخونه دي بيت هالوزال
بلند آبوين گويل مال كنونه
هو كه مهنه دي بي نوم و نشونه
قفس آبيده اي دورون تاريك
ايگوي بالنده اي دي نيزنه جيك
دلم ايخواست بيدم همدرنگس
بكردم وا دل و جون بو و بنگس
ولي او سالها افتو نشين بيد
سي ايلس او پياي روزمين بيد
هو بيدي چي زلال چشمه سارون
هو بيدي چي خروش رود كارون
دريغا هرچه كردم گردواري
دلم رهد و نوي گل وا دياري
هو بالا رهد وا بال اوشنوني
مو هم مندم سي بيت و شروه خوني
نظرات شما عزیزان:
<-PollName->
آمار
وب سایت:
